2025 жылғы 13 мамырда Алматы қаласында «Гандбол спорт федерацияларының Қазақстандық қауымдастығы» заңды тұлғалар және жеке кәсіпкерлер бірлестігінің құрылтайшыларының жалпы жиналысы өтті.
Күн тәртібінде еліміздегі гандболды дамытуға қатысты маңызды мәселелер қаралды:
- 2025–2029 жылдарға арналған республикалық гандбол жарыстарын өткізу регламентін бекіту;
- Әдістемелік және ұйымдастырушылық мәселелерді, сондай-ақ жарыстардың күнтізбелік жоспарын талқылау.
Қатысушылар гандболды насихаттауға, инфрақұрылымды дамытуға және жаттықтырушылар мен төрешілер құрамының біліктілігін арттыруға бағытталған стратегияны талқылады. Біздің сүйікті спорт түріміздің болашағына бейжай қарамай, белсенді қатысқан барлық қатысушыларға алғыс білдіреміз!