Халықаралық гандбол федерациясы (IHF) 2021 жылғы ерлер арасындағы әлем чемпионатына wild card иегерлерін анықтады, осылайша алдағы турнирдің барлық дерлік қатысушылары белгілі болды.
Еске сала кетейік, әлем чемпионаты 13-31 қаңтар аралығында Мысырда өтеді.
Жақында IHF әлем чемпионатына wild card арқылы қатысатын командаларды анықтады. Арнайы шақырту екі командаға берілді: Польша мен Ресей.
Жалпы, турнирде 32 команда бақ сынайды. Қазіргі уақытта 30 команда белгілі. Қалған екі команда Солтүстік Америка және Кариб бассейні гандбол конфедерациясының, сондай-ақ Оңтүстік және Орталық Америка гандбол конфедерациясының іріктеу турнирінен кейін анықталады.
Өкінішке қарай, Қазақстан бұл турнирге жолдама ала алмады.
Әлем чемпионатына қатысушылар:
Турнир иесі: Мысыр
Әлем чемпионы: Дания
Африка: Алжир, Ангола, Кабо-Верде, ДР Конго, Марокко, Тунис
Азия: Бахрейн, Жапония, Катар, Оңтүстік Корея
Еуропа: Австрия, Беларусь, Хорватия, Чехия, Франция, Германия, Венгрия, Исландия, Норвегия, Португалия, Испания, Словения, Швеция
Оңтүстік және Орталық Америка: Аргентина, Бразилия, Уругвай
Wild card: Польша, Ресей